வாழை இலை கொழுக்கட்டை செய்வதற்கு எளிமையாகவும், விரும்பி சாப்பிட கூடியதாகவும் இருக்கும். இது பாரம்பரிய கொழுக்கட்டையாகவும் இருக்கிறது.
தேவையான பொருட்கள்:
- நெய் – 2 டீஸ்பூன்
- அரிசி மாவு – 3/4 கப்
- தேவைக்கேற்ப எண்ணெய், தண்ணீர், உப்பு
பூர்ணத்திற்கு,
- ஏலக்காய் பொடி – 1 சிட்டிகை
- தண்ணீர் – தேவைக்கேற்ப
- பாசிப்பருப்பு – 1/2 கப்
- நாட்டுச் சர்க்கரை – 3/4 கப்
செய்முறை:
STEP 1
அடுப்பில் ஒரு பாத்திரம் வைத்து தண்ணீர் ஊற்றி, தேவைக்கேற்ப நாட்டுச் சர்க்கரை சேர்த்து ஓரளவு கெட்டியான பிறகு, ஏலக்காய் பொடி சேர்த்து இறக்கி ஆற வைத்து வடிகட்டி கொள்ளவும். இப்போது பாகு ரெடி.
STEP 2
ஒரு கிண்ணத்தில் அரிசி மாவு, உப்பு சேர்த்து கையால் நன்கு கலக்கிய பிறகு, கொஞ்சம் கொஞ்சமாக சுடுநீரை அல்லது வெதுவெதுப்பான நீரை அதில் ஊற்றி கட்டி பிடிக்காமல் கையால் நன்கு பிசைந்து, தனியே எடுத்து வைத்துக் கொள்ளவும்.
STEP 3
அடுப்பில் ஒரு வாணலி வைத்து, அதில் பாசிப்பருப்பை பொன்னிறமாக வறுத்தப்பிறகு, அதை தண்ணீர் ஊற்றி வேக வைக்கவும். பின்னர் வேக வைத்துள்ள பாசிப்பருப்பை மசித்து, அதனுடன் வடிகட்டிய பாகு சேர்த்து மிதமான தீயில் கொதிக்க விட்டு நீர் முழுமையாக சுண்டியதும், நெய் சேர்த்து சிறிது நேரம் கிளறி விட்டு, இறக்கி நன்கு ஆற விடவும்.
STEP 4
சதுர வடிவில் வாழை இலையை வெட்டி, தேவைக்கேற்ப எடுத்துக் கொள்ளவும். பிசைந்து வைத்துள்ள மாவை எலுமிச்சை அளவுக்கு உருண்டையாக உருட்டி, வட்டமாக தட்டி ஒவ்வொரு வாழை இலையிலும் எண்ணெய் தடவிய பிறகு அதில் ஒரு பாதியில் மசித்து வைத்துள்ள பாசிப்பருப்பை வைத்து மறுபாதி இலையை மூடியவாறு மடித்து, முனைகளை ஒட்டி விட வேண்டும். இது தான் வாழை இலை கொழுக்கட்டையின் வடிவம். இதனை தேவைக்கேற்ப செய்து கொள்ளவும்.
STEP 5
இட்லி பாத்திரத்தில் இட்லியை வேக வைப்பது போல முதலில் தண்ணீர் ஊற்றி நன்கு கொதித்ததும், அதன் மேல் இட்லி தட்டை வைத்து அதில் மடித்து வைத்துள்ள வாழை இலையை ஒவ்வொன்றாக வைத்து மூடி, 10 முதல் 12 நிமிடங்கள் வரை வேக வைத்து இறக்கினால், சுவையான வாழை இலை கொழுக்கட்டை தயார்!