‘விருமன்’ திரைப்படத்தின் ஓடிடி ரிலீஸ் தேதி அறிவிப்பு!
கடந்த மாதம் ஆகஸ்ட் 12-ஆம் தேதி அன்று வெளியானது, “விருமன்” திரைப்படம். இதில் கதாநாயகனாக ‘நடிகர் கார்த்தியும், கதாநாயகியாக இயக்குனர் சங்கரின் மகள் அதிதி சங்கரும்’ நடித்து உள்ளனர்.
இந்த படம் ‘இயக்குனர் முத்தையா’ இயக்கத்தில், யுவன் சங்கர் ராஜா இசையில், 2டி எண்டர்டெயின்மென்ட் நிறுவனம் மூலமாக நடிகர் சூர்யா தயாரித்து உள்ளார்.
விருமன் படத்தில் முதல் முறையாக இயக்குனர் சங்கரின் மகள் அதிதி சங்கர் கார்த்திக்கு ஜோடியாக நடித்து உள்ளார். இதை தவிர, பல முக்கிய கதாப்பாத்திரங்களில் ராஜ் கிரண், கருணாஸ், பிரகாஷ் ராஜ், சூரி உள்ளிட்டோர் நடித்து உள்ளனர்.
இந்த திரைப்படம் வசூல் ரீதியாகவும் விமர்சன ரீதியாகவும் மிகுந்த வரவேற்பை பெற்றுள்ளது. இந்த நிலையில், ‘விருமன்’ திரைப்படத்தின் ஓடிடி ரிலீஸ் தேதியின் அறிவிப்பு வெளியாகியுள்ளது.
அதன்படி, அமேசான் பிரைம் ஓடிடி தளத்தில் வருகிற செப்டம்பர் 11-ஆம் தேதி ‘விருமன்’ திரைப்படம் வெளியாக உள்ளது.